Discussion of ethnic and place-names (e.g., Πηλαγών, Παφλαγών, Κύδων, Νέδων, Μύνδων, Σάνδων, Δώδων), accentuation and declension patterns for forms in -ων, -δων, and related compounds; examples from Homer, Apollonius Rhodius, Thucydides, and Callimachus.
Οὐκαλέγων, Πελάγων, Ἁρπάγων, προάγων, Σαλάγγων «μέσφα Σαλάγγωνος ποταμοῦ» (Apollon. Rhod. IV 334), Ἐρίγων, ἀρίγων εἶδος δόρατος ὀξύνεται δὲ τὰ διὰ τοῦ 'ο' κλινόμενα, εἰ μὴ ἀπὸ συνθέτου τοῦ εἰς 'ος' παρώνυμα ὑπάρχοι οἷον Παφλαγών Λαιστρυγών «παλαιότατοι μὲν λέγονται ἐν μέρει τινὶ τῆς χώρας (ἤτοι Σικελίας) Κύκλωπες καὶ Λαιστρυγόνες οἰκῆσαι». Θουκυδίδης ἕκτῃ (c. 2), Πηλαγών ὁ οἰκήτωρ τῆς Πηλαγονίας «Πηλαγόνων ἐλατῆρα» Καλλίμαχος (Hymn. in Iov. v. 3). ἔστι δὲ καὶ ὄνομα κύριον «ὃς τέκε Πηλεγόνα» (Il. Φ 159). ἔοικε δὲ γράφεσθαι τὸ ὄνομα ἐθνικὸν κατὰ τὴν δευτέραν συλλαβὴν διὰ τοῦ 'α', τὸ δὲ τοῦ ἥρωος διὰ τοῦ 'ε'. ἀρηγών, λέγω δὲ ἐπὶ τοῦ συμμάχου ἀρσενικῶς «ἀρηγόνος ἡμετέροιο», πλὴν τοῦ καταπύγων· τὰ γὰρ ἀπὸ συνθέτων εἰς 'ος' παραχθέντα κατὰ τοῦ αὐτοῦ σημαινομένου βαρύνεται, ἄπειρος ἀπείρων, ἄναιμος ἀναίμων, ἄκυμος ἀκύμων, ἔγκυμος ἐγκύμων, ἄσχημος ἀσχήμων. Τὰ εἰς 'δων' δισύλλαβα ὀξύνεται καὶ βαρύνεται· βαρύνεται μέν, ὅσα ἐστὶν διὰ τοῦ 'ντ' κλινόμενα καὶ φυλάττοντα τὸ 'ω' κατὰ τὴν γενικήν, χωρὶς τῶν συνεμπιπτόντων πόλει οἷον κώδων, Φαίδων, Φείδων, Μείδων, κλύδων, κνώδων, Λάδων πατὴρ νύμφης Τελφούσης, ἔστι δὲ καὶ ὄνομα ποταμοῦ, Νέδων ποταμὸς καὶ τόπος τῆς Λακωνικῆς, Κύδων ὁ Ἀπόλλωνος καὶ Ἀκακαλλίδος τῆς Μίνω θυγατρός, ἀφ´ οὗ Κυδωνία, καὶ ὁ πολίτης ὁμοφώνως. Μύνδων ἔθνος Λιβύης. Ἔφορος εἰκοστῷ ὀγδόῳ «Μύνδωνες, οἵπερ εὐγνωμότατοι δοκοῦσιν εἶναι πλουσιώτατοι τὸν βίον». Σάνδων κύριον καὶ πόλις Ἰλλυρίας. Δώδων ποταμὸς Ἠπείρου, Μέδων, σπάδων, Κόδων, χλίδων, οὕτως δὲ
Pending translation