Accentuation and weight of Greek names ending in -δας, -ας, -κας, -θας and related endings; examples of place and personal names and accent rules.
Σατύργας. Στροάγας. τὸ μέντοι φυγάς ὀξύνεται οὐκ ἔχον τὸ 'α' ἐκτεταμένον. σεσημείωται τὸ ἀτταγᾶς περισπώμενον, ὅπερ καὶ ἀτταγήν λέγεται, καὶ τὸ Αἰγᾶς καὶ τὸ Ἀργᾶς. Τὰ εἰς 'δας' βαρύνεται, εἰ μὴ διὰ τοῦ 'δος' κλίνοιτο, ἢ συναληλιμμένα εἴη ἢ ὑποκοριστικά, Ἴδας, Λάδας, Δάδας, Σφάδας, Κλύδας, Λήδας, Δέρδας, Μίδας, Οἴδας οἱ κατοικοῦντες Οἰδάντιον πόλιν Ἰλλυριῶν, ὥς φησιν Ἑκαταῖος, Μείδας, Σακάδας, Τιμαχίδας, Θρακίδας, Λεωνίδας, Βρασίδας, Χαρμάδας, Ἀφείδας βασιλεὺς καὶ ἔθνος Μολοσσῶν, Χαρίδας. τὸ μέντοι Θευδᾶς περισπᾶται ὡς Μητρᾶς, Ζηνᾶς, Πυθᾶς. τὸ δὲ Κερκιδᾶς ἀπὸ συναλοιφῆς. τὸ δὲ ...... διὰ τοῦ 'δος' κλίνεται. Τὰ εἰς 'ας' ἐκτεταμένον, ἔχοντα πρὸ τοῦ 'α' ἓν τῶν διπλῶν βαρύνονται, Βύζας ὁ Κεροέσσης τῆς Ἰοῦς θυγατρὸς καὶ Ποσειδῶνος καὶ ἔθνος Λιβυκόν, ἀφ´ οὗ ἡ πόλις Βυζάντιον. παρ´ Ἡροδότῳ δὲ ἐν τετάρτῃ (c. 194) διὰ τοῦ 'γ' Γύζαντες. Ἐλίξας, Ἄψας. Πύζας, Ἀρίζας, Ἀνάξας, Γαρτάζας. τὸ μέντοι ὑψᾶς περισπᾶται καὶ τὸ ἑξᾶς ἐπὶ ποσότητος ὄν. * Τὰ εἰς 'θας' βαρύνονται, Στρούθας, Παγάθας, Ἄρθας, Ἀόρθας. * Τὰ εἰς 'κας' βαρύνονται, Πελέκας, Περδίκκας, Κώκας, Κρίκας ποταμός, Σάκας, Λάκας, Πολύκκας ποταμὸς Μακεδονίας, Ματάκας ὄνομα εὐνούχου, Ἰνδύκας, Κοτύκας βασιλεὺς Παφλαγονίας. Ἑλίκας ὁ Λυκάονος. Καραμβύκας ποταμὸς Ἐλιξοίας νήσου καὶ ὁ νησιώτης ὁμοφώνως, ὡς Ἑκαταῖος ὁ Ἀβδηρίτης. τὸ δὲ Ἀρκάς συστελλόμενον ἔχον τὸ 'α' ὀξύνεται. Τὰ εἰς 'λας' δι´ ἑνὸς 'λ' βαρύνονται, εἰ μὴ ἐκ συναλοιφῆς εἴη, Γέλας ποταμὸς Σικελίας, ὃς οὕτω καλεῖται, ὅτι πολλὴν πάχνην γεννᾷ. ταύτην γὰρ τῇ Ὀπικῶν φωνῇ καὶ Σικελῶν γέλαν λέγεσθαι. Ὕλας,
Pending translation